4º ESO REFORZO 2º trimestre Tema 9: A II Guerra Mundial

Bos días a todos!!!😊🌞

Imos hoxe coa última das tarefas de repaso do segundo trimestre: a II Guerra Mundial.

Esta será a última tarefa de repaso e a semana que vén poderedes adicala a ultimar as vosas respostas, sacar adiante traballo atrasado, facer algunha tarefa das de ampliación do 3º trimestre se vos apetece... 

Como veredes tamén, o cuestionario que vos adxunto é máis longo do habitual pero tamén será o único desta semana.

Para comezar, imos a ver un vídeo onde se nos explican as claves deste conflito, podedes escoller entre La Cuna de Halicarnaso ou Academia Play:

E agora imos coa tarefa de repaso deste tema:

55 preguntas sobre a IIGM

Coma sempre, calquera dúbida que teñades podedes prantexarma por email.

E de novo, como en cada tema, adxúntovos os contidos, estándares e criterios de avaliación que seleccionei para os mesmos e que son os indicadores que emprego para saber que avanzades no tema.

Tema 9: A Segunda Guerra Mundial

Contidos:

B6.1. Orixes da II Guerra Mundial.

B6.2. Desenvolvemento da II Guerra Mundial: extensión, fases, formas de guerra e principais consecuencias.

B6.3. O Holocausto

Estándares de aprendizaxe:

- Recoñece e entende as diferentes causas do conflito. Establece xerarquías causais.

- Identifica que o conflito desenvolveuse en varias fases.

- Coñece os principais feitos e protagonistas do conflito.

- Entende a magnitude do conflito e identifica as consecuencias do mesmo.

- Comprende a significación do Holocausto xudeu na historia da humanidade.

Criterios de avaliación:

-  Coñecer as causas da II Guerra Mundial.

- Coñecer os principais feitos da II Guerra Mundial, diferenciar as escalas xeográficas nesta guerra (europea e mundial) e entender o concepto de guerra total.

- Entender o contexto en que se desenvolveu o Holocausto na guerra europea e as súas consecuencias.

Ata aquí o repaso da materia. 

Non quero deixar pasar a ocasión para recordarvos o ben que o fixestedes e o ben que aproveitastedes esta ocasión. Estou moi orgullosa de vós. 😍

Unha aperta moi grande,

Bea.😊

4º ESO REFORZO 2º trimestre Tema 8: O período de entreguerras

Bos días a todos!!!👋🌞

Continuamos repasando a historia contemporánea mundial. Nesta entrada imos a afondar no período de entreguerras: os felices anos 20, o crack do 29 e o ascenso dos totalitarismos.

Para obter un repaso visual do tema propóñovos o visionado dos seguintes clips de video e, posteriormente, a resolución dunha pequena tarefa de cuestionario.

Comezamos!

Neste primeiro video desmegullamos os felices anos 20 e o crack do 29:

Imos agora co nazismo alemán e Hitler e o fascismo italiano e Mussolini:

Imos agora coa tarefa de repaso:

Tema 8. O período de entreguerras

Calquera dúbida podedes prantexarma por email, coma sempre.

De novo, como en cada tema, adxúntovos os contidos, estándares e criterios de avaliación que seleccionei para os mesmos e que son os indicadores que emprego para saber que avanzades no tema.

TEMA 8. O período de entreguerras

Contidos:

B5.1. Período de entreguerras: do final da Gran Guerra ao crac do 29 e a Gran Depresión.

B5.2. Fascismo italiano e nazismo alemán

Estándares de aprendizaxe:

- Identifica os acontecementos, feitos e procesos máis importantes do período de entreguerras e a súa interrelación con feitos posteriores.

- Identifica as causas de orixe do fascismo e nazismo en Europa e explica os diversos factores que fixeron que se prolongasen nun tempo determinado.

Criterios de avaliación:

- Coñecer e comprender os acontecementos, os feitos e os procesos máis importantes do período de entreguerras, e a súa conexión co presente, e estudar a xerarquía causal nas explicacións históricas sobre esta época.

- Analizar as causas do auxe dos fascismos en Europa.

4º ESO REFORZO 2º trimestre Tema 7: España durante o século XIX e o primeiro terzo do XX

Bos días a todos!!!👋🌞

Aqueles que non conseguimos acadar as aprendizaxes esenciais do primeiro e/ou segundo trimestre continuamos unha vez máis co noso repasiño. Na anterior entrada deixávabos o repaso ás aprendizaxes básicas sobre a Revolución Rusa e a URSS de Stalin e hoxe imos a afondar en dous novos temas, por unha banda na España do século XIX e primeiro terzo do XX e, por outra, no período de entreguerras nos diferentes países do mundo.

Nesta entrada imos a traballar sobre o primeiro dises temas e veremos como evoluciona España ao longo do XIX e a comezos do XX. É un tema longo que sintetiza dous temas ordinarios pero, dos que escollerei só as cuestións fundamentais aínda que primeiro propóñovos un repaso con videos polos contidos que precisedes refrescar.

Comezamos repasando a indepencia de Hispanoamérica con este divertido video da Cuna de Halicarnaso:

Continuamos o noso repaso achegándonos á Guerra de Independencia española contra a invasión francesa de Napoleón:

E as Cortes de Cádiz e a importantísima Constitución de 1812, tamén coñecida como "La Pepa" por ter sido aprobada o 19 de marzo de 1812, o día de San Xosé (Pepes en España).

Centrándonos na evolución política de España, imos a repasar con iste video os feitos que ocorreron dende o reinado de Fernando VII e a volta ao absolutismo ata a proclamación da I República e o golpe de estado que devolverá o goberno de España á monarquía, esta vez nas mans de Alfonso XII (fillo de Isabel II).

E, por último, veremos a restauración da monarquía borbónica co reinado de Alfonso XII e Alfonso XIII, a ditadura de Primo de Rivera, a proclamación da II República e o estourido e devir da guerra civil española nestos últimos videos.

Unha vez que repasamos este loooooongo tema, imos cun cuestionario que repasa as cuestións máis esenciais do mesmo. 

Adiante!

Tema 7: España durante o século XIX e o primeiro terzo do XX

Calquer dúbida podedes prantexarma por email, coma sempre.

De novo, como en cada tema, adxúntovos os contidos, estándares e criterios de avaliación que seleccionei para os mesmos e que son os indicadores que emprego para saber que avanzades no tema.

TEMA 7. España durante o século XIX e o primeiro terzo do XX

Contidos:

- B2.2.  Revolucións burguesas nos séculos XVIII e XIX: periodización e feitos principais. Restauración. Procesos unificadores e independentistas. O caso español 

- España durante o século XIX

- B5.3. II República española e a Guerra Civil

Estándares de aprendizaxe:

- Identifica os principais feitos e protagonistas da independencia hispano-americana.

- Coñece os principais personaxes e acontecementos históricos da evolución de España durante o século XIX

- Explica as principais reformas durante a II República española, e reaccións a elas.

- Explica as causas da Guerra Civil española no contexto europeo e internacional.

Criterios de Avaliación:

- Identificar os principais feitos das revolucións liberais burguesas en Europa e América nos séculos XVIII e XIX.

- Identificar os principais feitos e personaxes da evolución político-económica e social de España durante o século XIX.

- Coñecer as tensións que levaron en España á proclamación da II República e ao estourido da guerra civil.

4º ESO REFORZO 1º trimestre Tema 6_ A Revolución Rusa e a URSS de Stalin

Bos días a todos!!!👋🌞

Aqueles que non conseguimos acadar as aprendizaxes esenciais do primeiro trimestre continuamos unha vez máis co noso repasiño. Na anterior entrada deixávabos o repaso mediante un Kahoot! do tema 5 (A I Guerra Mundial) e nesta quédavos o repasiño de tema 6, A revolución rusa e a URSS.

35 preguntas sobre a Revolución Rusa e a URSS de Stalin

Para que vos sexa máis fácil podedes botarlle unha ollada aos seguintes vídeos de Academia Play e A cuna de Halicarnaso:

VIDEO A Revolución Rusa e o nacemento da URSS

Calquer dúbida podedes prantexarma por email, coma sempre.

Ademáis, de novo, adxúntovos os contidos, estándares e criterios de avaliación que seleccionei para os mesmos e que son os indicadores que emprego para saber que avanzades no tema.

TEMA 6. A REVOLUCIÓN RUSA E A URSS

Contidos:

B4.4. Revolución Rusa.

B5.1. Período de entreguerras: A URSS

Estándares de aprendizaxe:

- Identifica os principais feitos da orixe, desenvolvemento e consuencias da Revolución Rusa.

- Identifica aos principais personaxes involucrados no proceso.

- Coñece o proceso de creación da URSS.

- É capaz de caracterizar o réxime stalinista.

Criterios de Avaliación:

-  Identificar os principais feitos que conforman a orixe,  desenvolvemento e consecuencias da Revolución Rusa.

- Coñecer as principais características da conformación da URSS e do Stalinismo.

Unha aperta,

Bea

4º ESO REFORZO 1º Trimestre_ Tema 5 _A Primeira Guerra Mundial

Bos días a todos!!!👋🌞

Hoxe imos a traballar sobre os temas 5 e 6: A Primeira Guerra Mundial e a Revolución Rusa.

Comezamos pola I Guerra Mundial e neste caso imos con algo un chisco diferente. Para traballar sobre a I Guerra Mundial propóñovos un vídeo para refrescar a memoria e un reto en Kahoot!. 

Para participar tedes que entrar no seguinte enlace, por o voso nome e adiviñar as máximas preguntas posibles!!

Agardo que vos guste!!

Reto: Quen sabe máis da I Guerra Mundial?

Podedes participar ata o 1 de xuño ás 12:00 a.m.

Coma sempre, adxúntovos os contidos, estándares e criterios de avaliación que seleccionei para os mesmos e que son os indicadores que emprego para saber que avanzades no tema.

Contidos:

B4.3. Causas e consecuencias da Gran Guerra (1914-1919) ou I Guerra Mundial.

Criterios de avaliación:

- B4.3. Coñecer os principais acontecementos da Gran Guerra, as súas interconexións coa Revolución Rusa e as consecuencias dos tratados de Versalles.

Estándares de Aprendizaxe:

- Identifica os principais acontecementos da I Guerra Mundial, as súas fases, personaxes, principais acordos e consecuencias.

4º ESO REFORZO 1º Trimestre_ Temas 3 e 4

Bos días a todos!!!👋🌞

Aqueles que non conseguimos acadar as aprendizaxes esenciais do primeiro trimestre continuamos co noso repasiño. Para iso, propóñovos hoxe que voltemos a época das revolucións industriais e do imperialismo. Polo tanto, as seguintes actividades serán de repaso sobre os temas 3 e 4.

Trinta preguntas sobre a Revolución Industrial e o movemento obreiro.

27 preguntas sobre a II Revolución Industrial e o Imperialismo

Deixovos tamén aquí un vídeo sobre a Revolución Industrial!

Ademáis, de novo, adxúntovos os contidos, estándares e criterios de avaliación que seleccionei para os mesmos e que son os indicadores que emprego para saber que avanzades no tema.

TEMA 3. A Revolución Industrial

Contidos:

B3.1. Revolución Industrial: caracterísiticas esenciais.

B3.2. Revolución Industrial: desde Gran Bretaña ao resto de Europa.

B3.3. Consecuencias da Revolución Industrial. Movemento obreiro.

Criterios de avaliación: 

- Describir os feitos salientables da Revolución Industrial.

- Comprender a orixe da Revolución Industrial e a súa expansión.

- Coñecer as principais consecuencias da revolución industrial a nivel socio-económico (sociedade de clases, movemento obreiro, imperialismo...)

Estándares de aprendizaxe:

- Entende as características esenciais do proceso de industrialización.

- Comprende por qué Gran Bretaña se converte no berce da industrialización.

- Comprende as consecuencias socio-económicas e políticas da industrialización.

TEMA 4. A II Revolución Industrial e o Imperialismo

Contidos:

B4.1. O imperialismo no século XIX: concepto, causas, consecuencias e formas de dominio.

Criterios de avaliación:

 - Identificar as potencias imperialistas e a repartición de poder económico e político no mundo no derradeiro cuarto do século XIX e no principio do XX, as súas causas, consecuencias e formas de dominio.

Estándares de aprendizaxe:

- Entende o que é o imperialismo e identifica ás potencias imperialistas.

- Coñece as causas da expansión imperialista do século XIX e comprende as súas consecuencias, inclusive a longo prazo en relación a IGuerra Mundial.

- Coñece as distintias formas de dominio imperialista.

4º ESO REFORZO 1º Trimestre

Bos días a todos!!!👋🌞

Hoxe imos a traballar os que teñamos o primeiro trimestre suspenso. Para iso imos a facer as seguintes actividades de repaso sobre os temas 1 e 2: A crise do Antigo Réxime e as Revolucións liberais.

                                                Quince preguntas sobre...

21 preguntas sobre as revolucións liberais

Adxúntovos tamén uns vídeos sobre a revolución francesa e a independencia dos EEUU para axudarvos a refrescar a memoria! :)

Ademáis adxúntovos os contidos, estándares e criterios de avaliación que seleccionei para os mesmos e que son os indicadores que emprego para saber que avanzades no tema.

TEMA 1. O ANTIGO RÉXIME E A ILUSTRACIÓN

Contidos:

B1.1. Século XVIII en Europa: do feudalismo ao absolutismo e o parlamentarismo das minorías.

B1.2. Ilustración.

Criterios de avaliación: 

- Explicar as características do Antigo Réxime nos seus sentidos político, social e económico.

- Coñecer as principais características e pensadores da Ilustración e como influíron as súas ideas.

Estándares de aprendizaxe:

- Sabe diferenzar entre absolutismo e parlamentarismo

- Distingue conceptos históricos como Antigo Réxime e Ilustración.

- Describe as características da cultura da Ilustración e as implicacións que ten nalgunhas monarquías.

TEMA 2. AS REVOLUCIÓNS LIBERAIS

Contidos:

▪ B2.1.Revolucións burguesas nos séculos XVIII e XIX: Revolución americana e francesa. Principais causes e consecuencias.

▪ B2.2. Restauración. Procesos unificadores e independentistas.

Criterios de avaliación:

- Comprender o alcance e identificar os principais feitos dos procesos revolucionarios dos séculos XVIII e XIX.

Estándares de aprendizaxe:

- Identifica as principais causas, feitos e consecuencias da revolución francesa e americana.

- Coñece a onda de revolucións liberais de 1820, 1830 e 1848.

- Identifica os principais procesos unificadores e independentistas

- Comprende o que supuxo a Restauración.