Quen foi Álvaro Caruncho?

Bos días historiadores!!!

Nas nosas clases de Patrimonio estamos sumerxidos no arte do século XIX e XX. 

Andivemos analizando as moitísimas tendencias artísticas que durante estes séculos xorden e centrámonos, máis polo miúdo, nos artistas da pintura de Galicia.

Un deses autores que estivemos reinterpretando é Álvaro Caruncho.

Queredes coñecelo algo máis?

Fonte: www.marcoarte.es

Álvaro Caruncho naceu en A Coruña no ano 1948 e, alí, estudio na Escola de Artes Pablo Picasso.

Durante a súa vida realizou moitísimas exposicións da súa obra. A primera foi na galería Richelieu de Madrid pero, a seguir, amosou a súa obra por toda España e tamén no extranxeiro: Portugal, Italia, Austria, Inglaterra, Venezuela, etc.

No ano 1975 foi premiado en Grecia coa medalla de plata da "International Cartoon Exhibition of Atenas" e os seus debuxos foron publicados en Grecia, no Líbano e outros países do mundo.

En 1999 forma parte da II Bienale Internazionale dell'Arte Contemporánea de Florencia (Italia), en 2001 participa na exposición EuroArte, Porto Capital Europeia da Cultura e en 2006 na 10th ART International fair for Contemporany Art INNSBRUCK (Austria) e na Holland Art Faire Holanda).

Nos anos 2008 e 2009 realiza varias exposicións na súa terra nai coa exposición "5 creadores de los 70".

Álvaro Caruncho deixounos o  día 14 de novembro de 2011.

E... que din outros deste artista?

Alvaro Caruncho, trovador de sueños imposibles, de fantasías llenas de historias con nombre propio, ora críticas, ora líricas, pero siempre geniales. Vuelve a encantarnos a través de sus colores, tan fantásticos como reales: amarillo limón rojo intensísimo, azul prúsia,verdes infinitos... Todos ellos dan la vida, porque realmente son la esencia de la sala que inundan y de los personajes que determinan. Unos personajes danzantes que desafían al ingenio, que se dirimen entre notas expresivistas y la ensimismación de uno ojos siempre profundos, cargados de una emotividad se diría distante, percibida en otro tiempo o quizá en otro plano más allá del real.

En este sentido, sus extravagantes féminas se funden en trazos y campos cromáticos que no entienden de perspectivas académicas, sino que participan de la libertad mejor estudiada, la de años y años de trabajo serio y reconocido.

SELA DEL POZO COLL

La evidente imaginación de nuestro artista justifica un dibujo siempre seguro y definidor de formas extrañas, con esa fuerza y credibilidad que tiene la mirada caricaturizadora de Caruncho, quien xcontempla su trabajo con una alegría de colores que parece extraer de los más significativos fauvistas una razón imposible pero, en cualquier caso, dando lugar a unas formas intensamente vivas, con un indudable sentido de la modernidad.

JOSE MANUEL GARCIA IGLESIAS

¿Pintura figurativa, expresionista o de humor?. Porque clasificarla. Es pintura seria, importante en la que a veces hay ironía. ¿No es irónico Goya?. El artista necesita expresar trozos de su realidad, vivencias y sobre todo color... Azules bellísimos que estremecen como el cielo de la iglesia de Auvers de Van Googh. Azules transparentes como vitrales o profundos y grises como el mar. Poseidos por el azul solamente lo interrumpe con fuego (naranja o bermellón) para iluminarlo.

MARIA ROSA GÓMEZ DE SANZ

Álvaro traballa con diversas técnicas pictóricas pois, ademáis de pinturas, realiza debuxos e serigrafías.

Serigrafía dunha carpeta de tres. Setembro 2010.

"Cabeza de mujer con flor". Óleo sobre tabla.

"Una historia de amor". Óleo sobre lienzo.

Serigrafía "Barcos". Febrero 2011.



Serigrafia "Barcos". Febrero 2011.

Debuxos a vuela pluma




Dibujos


 Fundación Luis Seoane, A Coruña, debuxo a rotulador.
Torre de control marítimo, A Coruña, debuxo a rotulador.


Ademáis de todo esto, Álvaro Caruncho publicou un libro ilustrado de humor: ¡Por narices!
Velaiquí algunha das súas ilustracións:





Por úlitmo, o Sr. Caruncho tamén realizou algunha escultura.
Mira!






Fonte das imaxes. alvaro-caruncho.blogspot.com.

Esto é todo por ahora! 

Agora que xa coñecedes a obra de Álvaro Caruncho ensinarémosvos, na seguinte entrada, as "caruncheadas" dos nosos artistas.

Que as musas vos inspiren sempre!!!

O Barroco e o Rococó

  Boas tardes historiadores!!

Hoxe traemos unha de arte! 

Como xa sabedes, os Little Historiadores de segundo de Bacharelato (vale! non tan "little" xa...) están estudando os diferentes períodos artísticos do mundo ( e, sobre todo, de Galicia) reinterpretando algunhas obras.

Fai unhas semanas xa que andivemos navegando nos luxos da arquitectura do Palacio de Versalles, nos claroscuros da pintura barroca, nas expresivas esculturas do período, nas pedras do barroco galego...

Os artistas traballando ben concentrados!

Para amosar que comprendían perfectamente os rasgos característicos do período estudado, os Little Historiadores, puxéronse mans á obra e crearon diversas obras coa esencia da arquitectura máis rococó, inspirándose no citado Palacio de Versalles ou na figuración e elementos esenciais da maxinería barroca. 

Logo, atacámoslle á pintura. Non puidemos resistir a tentación de afondar na vida e obra de Velázquez e, despois de mergullarnos nun mundo de claroscuros, decidimos crear as nosas propias "Meninas".

Que vos parece si lle botamos unha ollada as magníficas creacións destos artistas?

Vidrieira ou pintura?
Lucía compuxo un vidro para unha vidriera da época. 
Xenial!!!

Karim realizou unha obra titulada "Versalles en branco e negro". Como podemos observar, Karim traballou polo miúdo as molduras e pequenos detalles da súa obra. Sen dúbida un gran traballo!!!! Noraboa Karim!!

Carolina, unha artista de pés a cabeza, amosános o período personificado... pouco podemos engadir a súa obra! Xenial!

Sara é unha das alumnas que prefire as composicións abstractas. O reflexo do período está presente en diferentes elementos da obra que a nosa little historiadora reflexa: o emprego dos dourados, as cores, os rosetóns... 

A seguinte obra vén da man de Víctor. Este little historiador sigue a senda da súa compañeira Sara. Víctor imprime elementos do período nunha representación máis contemporánea: a Catrina. A súa elección non é casualidade. O autor quixo representar a morte, os claros e escuros e o destino que nos iguala dunha forma simbólica.

Esta obra, totalmente abstracta, quere amosarse como a antítese ó período. Este little historiador, realiza unha composición na que o espectador debe facer un exercicio mental de transformación: convertindo as liñas rectas en curvas, os escuros en dourados, os lisos en relevo...

Por último imos a ver algunha obra de reinterpretación das Meninas.

Iván Vaz realiza esta divertida reinterpretación da obra do Mestre Velázquez. 

Que orixinal!

Alejandro López intenta reflexar os claroscuros empregando soamente lápices de cores. As súas Meninas asemellan estar perdidas nun mar de néboa... Intrigante!

Din que a arte é o reflexo dos máis profundos sentimentos do autor e que, a miúdo, deixa entrever a súa personalidade. 

Andrea, unha persoa eficiente e ordenada, é a autora desta "Menina" de saia xeométrica enmarcada nun cuarto onde predomiñan as liñas rectas.

Canto aguantarían de pé as afamadas "Meninas"- as infantas- para que o Sr, Velázquez as puidera pintar? Esto mesmo é o que se pregunta a nosa compañeira Lucía!  Esta artista compón unha orixinal obra onde a "Menina" atópase sentada e... de costas! Unha homenaxe a orixinalidade de Velázquez!

Ben feito!

É todo por hoxe!! 

Agardo que vos gusten tanto como a min!

Que as musas vos inspiren sempre!!!

Somos Artistas! Reinterpretando o Jardín de las Delicias v.2

Bos días historiadores!!!

Imos agora con algún dos traballos dos nosos compañeiros de 2º Bacharelato. Que intentaron plasmar? o reto era complicado! Tiñan que plasmar a mesma temática que El Bosco pero dende a súa perspectiva e... a verdade e que saíron verdadeiras obras de arte!!

SOMOS UNS ARTISTAS!!!!

A primeira obra pertence a Eduardo David. 

Eduardo representou o Paraíso, o mundo terrenal e o Inferno de forma separada, como El Bosco. Nesta mostra vemos a súa percepción do Inferno: un burato negro que o absorbe todo e tras o cal non sabemos que podemos atopar...

Alucinante, non si?? 

Esta é a producción de Víctor Rodríguez.

Como podemos observar, Víctor, dividiu a obra en tres partes: a vida terrenal, o Paraíso e un incerto Inferno. A vida terrenal está representada na zona escura, cos vicios do xogo e o pecado da avaricia, preponderantes nesta sociedade para o noso compañeiro. O Paraíso está representado na parte central co que para él simboliza: o descanso baixo os raios do sol. Este Sol que alumea no centro da obra, comparte escenario coa incerta vida no Inferno, representada á esquerda.

Xenial Víctor!!! 

Imos agora coa obra de Karim.

Podemos ver como Karim, ó estilo do Bosco, divide tamén a súa obra en tres partes ben diferenciadas: o Paraíso, á nosa esquerda, a vida terrenal, no centro, e o Inferno, á dereita.
O Paraíso preséntase como un verdadeiro xardín do Edén: Deus espéranos cos brazos abertos, debuxado magníficamente nun primeiro plano, o río das catro fontes báñalle os pés e atisbamos, ó fondo, as magníficas árbores deste xardín, alumeado todo elo por unha magnífica estrela de luz, con diferentes halos o seu arredor.
Na escena central vemos representados os contrastes do mundo actual: mentres algúns posúen un montón de riquezas, outros viven na pobreza e penuria continua. Nunha sóa imaxe, o noso compañeiro é capaz de representar varios dos pecados da nosa sociedade: a avaricia, as desigualdades, a falta de solidariedade...
Por último, se nos fixamos na imaxe da dereita, atopámonos co peculiar Inferno de Karim. Que nos espera como castigo aos nosos pecados? Ao estilo de película serial-killer americana, quizáis, unha morte dura e doorosa, unha silla eléctrica? arder na lava dun volcán? ser esmagados por teitos punzantes? todo á vez? 

Excelente traballo Karim!

A obra de Miguel:

Podemos ver como o noso compañeiro decidiu, como no orixinal, dividir a obra en tres zonas diferenciadas: á esquerda atopámonos o Paraíso. Que imaxina Miguel? un frondoso bosque no que o fillo de Deus acolle os recén chegados baixo a tutela do seu Pai, quen observa con detimento a escena desde o Ceo.
No centro da obra podemos ver o mundo terrenal de hoxe en día cos seus pecados: os poderosos, representados nun porco con sombreiro e puro, manexando o mundo e dirixindo ás masas. España cunha igrexa na que unha parexa namorada parece querer casar pero que se atopa cos dogmas eclesiásticos e, en primeiro plano, un home tragando a escena que se sinte abafado en todos os problemas que ten, representados por medio dunha arma  dirixida hacia a súa cabeza e que él mismo sostén.
A dereita da obra podemos observar a negrura do Inferno, que hai? que é? Miguel deixa entrever  a incerteza destas respostas pero asume con rotundidade que será algo negro... 

Moi ben Miguel!!

Nesta ocasión vemos a producción de Andrea Moreira:

Andrea presenta unha obra moi diferente á de seus compañeiros, básicamente, pola técnica empregada, moito máis cubista.
De novo vemos unha división en tres zonas: á esquerda atopamos o Paraíso, representado por unha figura cuadrada con un halo na súa parte superior  o cal simboliza a Deus que observa a escena dende abaixo e as mazás do pecado orixinal no centro da imaxe. Adán  e Eva están representados cos símbolos do home e da muller, respectivamente e, toda a escena, está bañada polos raios do sol.
Na parte central, adicada ao mundo terrenal e os seus pecados, observamos símbolos de todos os pecados que contempla a nosa compañeira: a gula (no plato de comida), a avaricia ( co saco de diñeiro), mortes e asasinatos (coas calaveras cos ósos cruzados e coa escena do tiroteo, na parte superior), a pereza (coa persona sentada frente ó televisor), vicios (alcohol, tabaco), etc. todo esto arrodeando un cadro central no que se entrelazan as relacións humanas (de todo tipo) enmarcando os nomes dos pecados que asulagan a nosa sociedade.
A que nos leva toda esta perversión? ao mundo infernal.
De novo vemos, en primeiro plano, a figura rexedora deste mundo: neste caso, o demonio, representado como unha figura cadrada, de ollos negros e marcas baixo os ollos e arrodeada toda ela de escamas punzantes.
As persoas, representadas de novo cos símbolos de xénero, sofren as consecuencias dos seus actos. 

Bo traballo Andrea!

Obra de Pablo C.:

O noso compañeiro pablo preséntanos unha novidosa representación do Paraíso, mundo terrenal e Inferno.
A obra de Pablo céntrase na escena central, o mundo terrenal,  a partir da cal podemos analizar o Paraíso e o Inferno.
Nesta escena podemos ver como dúas personas, un home e unha muller, abandónanse á pereza e vicios do mundo actual. Ambos se atopan espidos, símbolo da luxuria, sentados ante o televisor (a pereza) e cunha botella rodando aos seus pés (símbolo dos vicios da sociedade). Un detalle chama a nosa atención: dous xoguetes tirados xunto os pés da muller. Debemos fixar a vista na porta do cuarto, punto de entrada da luz da escena. Dende alí, unha nena observa a escena.
Na parte dereita da obra vemos como a nena observa a escena, que quixo representar Pablo? a soidade, a tristura, o inferno interior que a nena sofra que é o verdadeiro castigo para o noso artista.
O Paraíso, á esquerda, é un cuarto en blanco. Que nos depara? non o sabemos. Existe?  quizáis... 

Xenial reflexión, Pablo!!!

Por último amósovos o traballo de Carolina C.:

Carolina elabora un magnífico e cuidado traballo sobre o tema a representar.
Nesta ocasión atopamos entrelazadas as tres escenas. Comenzamos analizando a súa obra pola esquina esquerda. Nesta representación podemos ver como un intenso Sol derrete a escena, rematando nunha mandíbula ameazante, con afiados dentes, dispostos a tragar o noso mundo. Xusto diante desta ameazante escena, atopamos o mundo terrenal. Un mundo que transforma a paisaxe, come as árbores para construír edificios e os mares e ríos para crecer sobre eles, de onde a luxuria emana (representada mediante as pernas femeninas que xorden das dúas bandas da cidade), onde levantamos muros electrizados e mortíferos, barreiras apoiadas nos intereses económicos, que provocan mortes e desesperanza, onde somos tratados como monigotes (representado á dereita da escena) por todos os poderes...
O Paraíso está representado, nesta obra, na parte dereita. Un camiño sinuoso, arrodeado dunha  paisaxe sinxela, diríxenos ata un alumeante Sol e un mundo fantástico. 

Alucinante, Carolina!

Que vos pareceron? Estas son só algunhas das obras que crearon os nosos compañeiros! O que eu dicía...

SOMOS UNS ARTISTAS!!!

Que as musas vos continúen inspirando sempre!!!

Somos Artistas! Reinterpretando o Jardín de las Delicias!

Bos días historiadores!!

Hoxe traiovos algúns dos traballos dos alumnos de Patrimonio Artístico e Cultural de Galicia.

Neste último mes estivemos analizando as características do Renacemento en Galicia pero tamén nos sumerllimos no panorama nacional e internacional daquel momento... hai que contextualizar!!! 

Houbo unha obra que aos nosos compañeiros lles encantou, tanto pola súa curiosa composición como polo tratamento da temática: El Jardín de las Delicias, de El Bosco.

Esta obra, un óleo pintado sobre táboa alá por 1480, divídese en tres partes (é un tríptico): 

• Se nos situamos de frente vemos, á nosa esquerda, a representación do Paraíso. Deus aparece en primeiro plano xunto con Adán e Eva, diferentes animais arrodean aos personaxes principais, convivindo en armonía. No centro de esta parte vemos a fonte dos catro ríos do Paraíso a ourela do cal se atopa a árbore da ciencia do ben e do mal, coa serpe arredor do seu tronco. Chama a atención o drago (orixinario das illas Canarias) que se atopa xusto detrás dos personaxes.
• Na parte central do tríptico atopamos a vida terrenal. Moitas persoas, animais e vexetación conforman unha escena que contrasta ca serenidade da primeira táboa.  Vemos aquí un mundo cheo de pecados, o autor intenta representar todos os pecados capitais pero, sobre todo, fai fincapé na luxuria.
• Por último, na parte dereita atopámonos coa representación do Inferno. Esta percepción do Bosco, foi chamada moitas veces o "Inferno musical" porque, se vos fixades, a escena está repleta de representacións de instrumentos, neste caso, empregados para torturar aos condenados. No centro da escena atopámonos coa parte superior dun home, ancorado nese río cheo de negrura. É o coñecido como o homo-árbore e está asociado coa personificación do demo. Dentro do seu corpo vemos unha taberna, onde se representa o pecado da gula con homes espidos esperando a que diferentes demos lles sirvan sapos e outros animais para comer. Tamén nos chama a atención a figura situada á dereita, en primeiro plano, que devora homes e os expulsa a un burato, neste caso son os avaros os castigados. Os envidiosos vémolos condenados ás augas xeadas do Inferno, o xogo ou os malos clérigos son castigados tamén: respecto a estes últimos vemos, por exemplo, á dereita da táboa, como un porco ataviado como unha monxa abraza a un home espido.
• Ó cerrar o tríptico, podemos ver unha representación do terceiro día da creación. Á esquerda, Deus coa triple corona e enriba das dúas táboas, dúas inscripcións en letras douradas que din... «Ipse dixit et facta sunt» (Él mismo díxoo e todo foi feito) e «Ipse mandavit et ­creata sunt» (Él mismo o ordeou e todo foi creado).

Queredes saber máis? Por que non lle botades unha ollada ao pequeno vídeo do Museo do Prado (onde se atopa a obra) para averiguar todos os seus segredos?

E agora as reinterpretacións dos nons compañeiros da obra de El Bosco!

Atentos ó seguinte post!!!!

Que as musas vos inspiren sempre!

Fichas de catalogación. Segunda Parte!

Bos días historiadores/as!!!

Na materia de Patrimonio Artístico e Cultural de Galicia andamos ás voltas coas fichas de catalogación!
Estamos coñecendo de cerquiña todas as mostras de arte prehistórico que poidamos pero moitos de vós atopades dificultades á hora de organizar a ficha! Imos a darlle unha voltiña para axudarvos na misión e que todas vaian iguais!

NOME DO BEN

Fotografía/s (á dereita)

Título:
Tipo de ben:
Autor:
Época/Cronoloxía:
Ubicación (Concello-Parroquia-Lugar e localización GPS):
Material:
Técnica:
Dimensións:
Propiedade:
Código no Catálogo da Xunta:
Categoría do Ben:


Descrición:
Bibliografía/ Máis información:


Ben, ahora que o temos máis claro imos a darlle unha volta as nosas fichas e adecualas ó modelo!
Ánimo!!!!

Que as musas vos inspiren sempre!

Primeiras Fichas!

Boas tardes historiadores/as!!!

Achegámonos hoxe á catalogación de bens! Como estivemos vendo na clase, unha forma doada e que simplifica a tarea, é a elaboración de fichas técnica sobre o ben en cuestión, onde incluamos fotografías, datos esenciais e, como mínimo, unha breve descrición.

Para ver, de modo práctico, diferentes tipos de fichas, imos achegarnos ó labor que realizan diversos compañeiros:

1º) A nosa primeira parada é na conta de Sketchfab de Eloy Martínez Soto, un historiador e arqueólogo que traballa no modelado en 3D de vestixios e xacementos arqueolóxicos a través da fotogrametría. A súa proposta de catalogación é o que imos a empregar nas nosas fichas polo que vos recomendo que visitedes a súa conta e vos deixedes sorprender!
Para comezar, imos por de exemplo o traballo que realizou co Dolmen de Chan de Arquiña, a continuación amósovos a súa reconstrución 3D:

    Dolmen de Chan da Arquiña
    by Eloy Martínez Soto
    on Sketchfab



Ahora pasamos a ver a súa Ficha Técnica:

• Título: Dolmen de Chan da Arquiña (Domaio, Moaña).

• Tipo de ben: Monumento megalítico/Dolmen.

• Ubicación: Chan da Arquiña, parroquia de San Pedro de Domaio,concello de Moaña (Pontevedra).Consulta a súa ubicación exacta aquí.

• Época/Cronoloxía: Neolítico/Megalitismo.

• Dimensións: lonxitude do megalito 5,2 m.; ancho da cámara; 3,25 m.; altura do megalito 2,3 m.; altura do corredor 1,7 m.

► DESCRICIÓN:

Monumento megalítico de uso funerario composto de 11 chantas na cámara e 5 no corredor.A cámara está recuberta por unha tampa e catro lousas cobren o corredor.Presenta unha tipoloxía típica: cámara poligonal e corredor orientado cara o leste.A principal particularidade deste dolmen é que presenta un corredor incipiente.Máis información [aquí].(http://patrimoniogalego.net/index.php/5946/2011/09/chan-da-arquina/)

Como vemos é unha ficha sinxela que todos poderemos emular. Si vos fixades no apartado da descrición, na última liña Eloy remítenos a páxina de Patrimonio Galego e  é esa a nosa segunda parada.

2º) A páxina  http://patrimoniogalego.net (Patrimonio Galego) ofrécenos a posibilidade de catalogar bens da nosa contorna que aínda non o estivesen. É, polo tanto, un proxecto colaborativo no que calquera pode participar.

Do seu modelo de ficha, un pouco máis amplio que a anterior, ímonos a quedar para a nosa ficha con algunhas aportacións, imos a ver: 

- Imos a achegarnos á ficha do Dolmen de Chan de Arquiña en Patrimonio Galego (neste caso, elaborada por Manuel Rial): 

http://patrimoniogalego.net/index.php/5946/2011/09/chan-da-arquina/

O primeiro que vemos é o tipo de ben (megalítico) e o concello onde se atopa para, de seguido, atoparnos co nome do ben e dúas fotografías. 

MONUMENTO MEGALÍTICO (TÚMULO, DOLMEN, PEDRAFITA...) ENMOAÑA E MORRAZO (COMARCA)

Chan da Arquiña

No tocante a Ficha Técnica, vemos en principio, os mesmo campos que antes:

Tipo de ben: Monumento megalítico (túmulo, dolmen, pedrafita...), 
Concello: Moaña / Morrazo (comarca)
Parroquia: Domaio
Lugar: --
Outra denominación do ben: --
Cronoloxía: Neolítico, 
Descrición: 

O Chan da Arquiña está situado a unha altitude considerable, uns 500 m sobre o nivel do mar, ó pé do Xaxán.

O dolmen do Chan da Arquiña está moi enterrado na súa mámoa ovalada. Consérvase en moi bo estado. Presenta unha tipoloxía típica: cámara poligonal e corredor orientado cara o leste.

A anta componse de 11 chantas na cámara e 5 no corredor. A cámara está recuberta por unha tampa e catro lousas cobren o corredor. No interior hai restos de ocre, o que pode indicar houbo pinturas. 

A particularidade deste dolmen é que presenta un corredor incipiente; é dicir, que non se sabe se é un corredor ou unha segunda cámara, para facer ofrendas.

Nas escavacións dos anos 50 atopáronse restos dun enxoval funerario composto por utís de pedra e restos de cerámica, de vaso campaniforme.

A partir de aquí comezan as novidades e algunhas delas incluirémolas na nosa ficha:

Fotogrametría: 
Propiedade: Pública
Uso actual: Forestal
Código no Catálogo da Xunta: 
Categoría do Ben: Ben de Interese Cultural 
Elementos mobles:
Tradición oral: 
Historia recente do ben: 
Referencias bibliográficas:

BARCIELA GARRIDO, Pilar e REY, Eusebio (2000) Xacementos arqueolóxicos de Galicia, Ed. Xerais, Vigo.

Que imos aproveitar deste apartado e engadir a nosa ficha? Os apartados Propiedade, Código no Catálogo da Xunta (si ten), Categoría do Ben e Referencias Bibliográficas.

Na ficha de Patrimonio Galego continúan ahora cun apartado de Afecións do ben, nós non o imos a incluir. Si insertamos o derradeiro apartado: a localización GPS (completamos así o apartado ubicación de Eloy:

Latitude: 42.320059545
Lonxitude: -8.69796663523
Empregamos o sistema de coordenadas WGS84

3º) Ademáis de  estas, existen moitos modelos  de ficha. No noso caso recordai que tamén debemos incluir material e técnica.

Que facemos coas fichas? Enviámolas a beatriz.nieto@edu.xunta.es e esperamos a correción ou o visto bo e logo ímolas a subir a nosa web!

Ben, agora que xa repasamos un pouco como facer as fichas e que apartados incluir pasamos a indicar a primeira relación de obra- alumno e probar as nosas fichiñas!

1. Beatriz Varela: Dólmen de Axeitos

2. Iván Vaz: Mámoas no Xurés

3. Daniel Pérez: Petroglifo de Castriño de Conxo

4. Eduardo David: Petroglifo de Rega Pequena

5. Víctor Daniel: Petroglifos de Viascón

6. Pablo Rodríguez: Petroglifo da Laxiña dos Cervos

7. Miguel Salgado: Dólmen de Dombate

8. Karim Niass: Menhir do Tameirón

9. Andrea Moreira: Petroglifos de Mogor

10. Marco Lorenzo: Lapa de Gargantáns

11. Natalia Pérez: Verraco de Viana do Bolo

12. Alejandro López: Petroglifos da Pedra da Serpe

13. David Fernández: Cabeza de Rubiás

14. Anxo Rodríguez: Petroglifo da Laxe das Picadas

15. Diana García: Mámoas das Cabanas de Moura

16. Sara García: Petroglifos de Armeá

17. Lucía Conde: Petroglifo dos Carballos

18. Andrea Cibeira: Tesouro de Caldas de Reis

19. Fran Álvarez: Casco de Leiro

Imos alá!!!

Que as musas vos inspiren sempre!

A que andamos?

Bos días historiadores/as!!!!

Benvenidos a un día máis das nosas históricas vidas!

Estos días estamos traballando moitísimo! Póndonos ó día nos acontecementos históricos de séculos ben distintos!

Os alumnos e alumnas de 2ºESO andan mergullados alá polo século V! Estamos nunha Europa ben diferente á actual!!! Os acontecementos non deixan de producir cambios!!!

Estudamos como desde o século III o Imperio Romano entra en crise e é asulagado polas invasións bárbaras: os diferentes pobos xermanos "entran ata a cociña"!! Visigodos e suevos en Hispania, anglos na Britania, galos, vándalos, alanos.... Analizamos como vivían e cales eran as diferenzas da súa organización respecto ós romanos. 

Tamén nos mergullamos nas súas manifestacións artísticas: aquí mesmiño, en Santa Comba de Bande, tiñamos unha mostra xenial de arquitectura visigoda!

Decatámonos de que o Imperio Romano foi dividido en dous (o de Occidente e o de Oriente) e que o de Oriente terá unha vida máis longa có de Occidente! uns mil aniños máis! Estudamos a evolución dese Imperio, que toma o nome de Imperio Bizantino, a súa organización e as súas manifestacións artísticas! Recordades que lles pasaba cas iconas?

Por último, mergullámonos no nacemento do Islam e na arte islámica. Acompañamos a Mahoma nas súas primeiras andanzas e aventuras (fuximos con il desde a Meca a Medina -a héxira- e vimos como daba comezo o calendario musulmán), escoitamos as obrigas de todo bo musulmán e analizámolas unha a unha! Tamén investigamos un pouquiño para coñecer as directrices que da o Corán respecto a súa forma de vida: nada de comer porco nin beber alcohol!

Por último parámonos nas mesquitas, coñecendo as súas diferentes partes e toda a simboloxía que abranguen, e tamén nos fundamentos da súa arte: só a obra de Alá pode perdurar no tempo!!!

Pola contra, os alumnos e alumnas de 4ºESO viaxaron ata o século XVIII e andan a escudriñar a vida no desmoronamento do Antigo Réxime. Recordamos un pouco as bases do sistema estamental: cómo se organizaba a sociedade e a economía! e tamén andivemos cheirando nos sitemas políticos do momento de toda Europa! Absolutismo en Francia e España, parlamentarismo en G. Bretaña, república nas Provincias Unidas...

O que máis nos chamou a atención foi a ruptura no pensamento alá polo 1750, anos arriba, anos abaixo (que a historia non ten cronómentro!). Coñecemos a Voltaire, a Rousseau, a Montesquie, a Locke, a Diderot.... e a moitísimos máis autores que deixaron a súa pegada na Encyclopédie!

Andivemos a buscar, de feito, artigos e ilustracións (ben chuliñas) desa obra que pronto imos a subir ó blog!

Por último, parámonos un pouco máis na España dos primeiros Borbóns, coñecendo da man de Carlos III o significado do despotismo ilustrado e as "aventuras territoriais" que por daquelas andabamos vivindo debido á firma do Tratado de Utrecht!

Os alumnos e alumnas de 2º Bacharelato, andan en ambientes ben diferentes! A eles gústalle moitísimo máis o tema da arte e nesta primeira parada andan a afondar no coñecemento de conceptos e vocabularios básicos do tema: é importante saber cómo e o qué falamos para entendernos ben!

Pois ahora, para todos vós, teño un reto! A uns seralles facilísimo, a outros non tanto... pero todos ides tocar estos temas no voso temario... A ARTE! cada un destes cursos trabállaa dunha forma ou outra, asique, meus pupilos aquí vos deixo un reto que tendes que cumplir! 

A TRABALLAR!!! entrade no seguinte link (é un Lesson Plan) e seguide as instrucións. 

Si tendes algunha dúbida podedes escribirme un mail ou preguntarme na clase! 

Rápido que o tempo corre!!!!!

Que as musas vos inspiren sempre!!!!!

Un apunte artístico!

Bos días historiadores/as!!

Deixovos aquí uns pequenos vídeos nos que se explican, de forma sinxela e clara, os diferentes tipos de ordes e de arcos!
Recordai que non todo, da anterior entrada, é igual de importante! Debedes dominar os conceptos e vocabulario básico e neso é no que vos tendes que centrar!

Ánimo!!






Que as musas vos inspiren sempre!!!

Entendendo a Arte!

Boas tardes historiadores/as!

Nesta entrada, dirixida aos alumnos/as da materia de 2º BCH "Patrimonio Artístico e Cultural de Galicia", imos a repasar os fundamentos de arte que vimos de traballar estos días na aula.

Só é un breve repaso de vocabulario e nocións básicas para poder seguir a materia sin ningún problema! Subirei diverso material que vos poida servir de axuda e non dubidedes en preguntar calquera cuestión que vos poida surxir en torno a materia!

Let's go!

Comezamos, nos primeiros días de clase, reflexionando sobre que é o arte e a súa función. Analizamos diversas  imaxes de diversos períodos e estilos para concluir que, ante todo, podemos dicir que a arte é unha....

Actividade creadora do ser humano .... Individual ou Colectiva

Que....

Expresa unha determinada “percepción da realidade”

 

Da man do profesor Tomás Pérez Molina, quen dispón no seu blog de numerosas presentacións sobre a materia, fomos analizando e desmigallando as diversas concepcións que existen sobre o tema e tamén aportando as nosas propias ideas. Rematamos esta primeira parada, reflexionando sobre a cantidade de obras de arte que nos arrodean, que vemos día a día pero que non valoramos ata agora porque non sabiamos mirar.

Ademais, reflexionamos sobre a interpretación e comprensión da obra artística. Unha obra (co seu formato, tipoloxía, medio) sempre ten un emisor (autor) e un receptor (cliente ou público) e dela podemos facer unha triple lectura: formal ou plástica (análise iconográfica), do contido ou do seu significado (análise iconolóxica) e do contexto histórico no que se enmarca xunto coa biografía do autor que a realizou,

Aclaramos que a Arte, non é só Arquitectura senón que se manifesta en diversos ámbitos:

AS LINGUAXES DA ARTE

ÁMBITOS UNIVERSAIS: Arquitectura, Escultura, Pintura, Artes decorativas (vidrieras, mosaicos, etc.), Urbanismo…

ÁMBITOS CONTEMPORÁNEOS: Fotografía, cómic, cine, carteis, televisión, arte dixital…

E, por último, profundizamos no vocabulario e conceptos básicos da materia  a nivel técnico e formal. Para repasar este punto, deixovos aquí as  diapositivas do Prof. Tomás Pérez Molina empregadas na clase.

El Lenguaje Artístico: la Arquitectura from Tomás Pérez Molina

E L L E N G U A J E A R TÍ S T I C O, L A E S C U L T U R A 2005 from Tomás Pérez Molina

El Lenguaje Artístico: la pintura from Tomás Pérez Molina

Para finalizar, demos un repaso as ordes existentes e as súas diferenzas.

Con esto rematamos por hoxe, se tendes algunha dúbida comentade no post ou enviade un correo electrónico a beatriz.nieto@edu.xunta.es e tratarei de resolvelas o máis rápido posible!

Ánimo e recordai que para a semana faremos un pequeno control sobre estas nocións básicas!

Que as musas vos inspiren sempre!!!